A Asociación de Estudos Históricos e Sociais Hume nace no ano 2003 e xorde a raíz das inquedanzas de varios veciños  para abordar varios fins sociais entre os que se atopan a creación dun fondo documental, o incremento do coñecemento e a difusión da nosa riqueza histórica e converterse en vehículo de promoción da cultura na comarca a través da edición de publicacións que recollan o coñecemento científico e histórico das Pontes de García Rodríguez.
Este último fin vémolo cumprido ca revista de periodicidade anual. Con esta publicación pretendemos chegar á memoria de todos os habitantes das Pontes de García Rodríguez e comarca e daqueles outros, que fóra da dita comarca, se interesan por cuestión históricas de ámbito local.

PATROCINAN:

NOVAS:

 Premios de Investigación HUME 2025


A Convocatoria do X Premio de Investigación 2025 saldouse cun destacado nivel dos traballos presentados, que, segundo o xurado, contribúen ao coñecemento comarcal, abren novas liñas de investigación sobre as relacións entre o poder local e o Estado franquista e revelan datos relevantes sobre a sociedade pontesa na posguerra.
O Primeiro Premio foi concedido a Gael Uxío Proupín Cantelar, natural de Brión (A Coruña). Titulado superior con Grao en Historia pola Universidade de Santiago de Compostela, conta cun Máster en Historia Contemporánea e actualmente atópase a realizar o doutoramento na mesma especialidade.
O traballo galardoado, titulado O exército negro da autarquía: corrupción, estraperlo e intervencionismo en As Pontes e Ortigueira, obtivo a máxima puntuación do xurado, que destacou a súa achega innovadora e o seu marcado enfoque social. A investigación evidencia a resiliencia e capacidade de adaptación da poboación produtora, que desenvolveu estratexias complexas de supervivencia nun contexto marcado pola escaseza, o racionamento adulterado e as políticas coercitivas do franquismo.
Segundo a valoración, este enfoque humanizado ilumina a experiencia das familias labregas, ten un claro interese social ao revelar prácticas de corrupción estrutural e achega un valor fundamental para a memoria e a identidade local, ao sacar á luz unha realidade histórica pouco explorada. A mirada “desde abaixo”, centrada na vida cotiá e nas dinámicas económicas reais, ofrece unha visión que raramente aparece na historiografía tradicional.
O Segundo Premio foi para o investigador Juan Carlos Vázquez Arias, de Pontedeume, mestre e licenciado en Xeografía e Historia, con unha ampla traxectoria docente e investigadora. Foi profesor no IES Castro da Uz de As Pontes e no IES Breamo de Pontedeume, e é autor e coautor de diversas publicacións de referencia sobre historia local, ademais de colaborador habitual en revistas especializadas.
O seu traballo Creación do Concello nacional das Pontes de García Rodríguez (1936-1950), permite aproximarse á formación dos primeiros concellos franquistas de As Pontes, unha vez desaloxada a corporación republicana, e analiza a sucesión dos distintos consellos municipais nos anos iniciais da ditadura. A investigación abrangue o período comprendido entre 1936 e 1950, incluíndo a Guerra Civil e a dura posguerra.
Baseado fundamentalmente na documentación conservada no Arquivo Municipal de As Pontes, especialmente nas actas dos plenos, o estudo céntrase na organización das corporacións, nos nomeamentos, ceses e acordos, así como nos aspectos máis significativos do contexto político e social do momento. O xurado salientou que o traballo está correctamente redactado e que mantén a estrutura e metodoloxía propias da investigación histórica. 


NOVAS:
Acordo de outorgamento dos
IX Premios de Investigación Hume As Pontes 2024
 
I PREMIO:
Iago Isasi Freire e David Pereira Meizoso
que leva por título:
“Os lindes parroquiais do Concello das Pontes de García Rodríguez segundo o catastro de Ensenada (1752)”
O traballo investiga e amosa aos lectores os lindes que teñen as parroquias do Concello das Pontes segundo o catastro de Ensenada permitindo analizar a organización territorial do século XVIII e a súa evolución ata actualidade.
Iago Isasi Freire reside en Santiago de Compostela e é Enxeñeiro de Camiños, Canles e Portos, mestrado en Enxeñería matemática e mestrado en Ciencia e Tecnoloxía dos materiais, e doutoramento en Matemáticas.
David Pereira Meizoso, reside en Sanxenxo, Enxeñeiro Técnico en Obras Públicas, MBA pola Universidade de Murcia, Grao en Enxeñería Civil  pola Univ de Murcia, mestrado en Dirección  Financieira e Control de  Xestión pola EAE, e doutorado en tecnoloxía da computación e medio ambiente.
II PPREMIO:
Cristina Souto Pita
que leva por título:
”Rabuñan as voces”
O traballo realiza unha investigación sobre a posmemoria na arte contemporánea e unha actuación artística
facendo unha relectura que buscar mergullarse nos traumas do pasado e concretamente sobre o crime das Barosas.

Cristina Souto Pita, reside en As Pontes de García Rodríguez, e graduada en Belas Artes pola Universidade
de Vigo e cursa un master na Universidade do Pais Vasco. Ten participado en varios festivais audiovisuais
(Curtocircuito de Santiago, 2024, S8 de Coruña, 2023, Novos Cinemas, Pontevedra, 2023).
Ten obras en varias exposicións colectivas en Pontevedra, Marín, As Neves. Ten asistido a varias
residencias artísticas (Pazo de Mariñán, Cidade da Cultura).
Accésit :
Javier Barcón Vázquez
cun traballo titulado:
“Un puebo alrededor de una plaza. Historia y evolución de la Plaza del Hospital de As Pontes y su entorno”
A investigación sobre a historia da praza e as súas transformacións urbanística ao longo da historia.
Un traballo escrito que transmite emoción polos temas sentimentais que se transparentan entre liñas.

Javier Barcón Vázquez reside nas Pontes de García Rodríguez, e é Técnico Especialista en Delineación,
especialidade industrial. Leva anos adicando moito do seu tempo á investigación histórica.

https://terrachaxa.com/es/news/los-tres-trabajos-que-cautivaron-al-jurado-de-los-premios-hume/89077/

VISITA AOS MUIÑOS DAS PONTES, UNIVERSIDADE SENIOR 2022

Este martes, 15.03.22, membros de Hume, o profesor de Parimonio tradicional e industrial de Galicia, Álvaro Iglesias Maceiras, Manuel Souto, como presidente de Hume e Lolo de Severiano como máximo experto local en temas de muiños , ademais de propietario do muiño mellor conservado de pobo, e gran coñecedor dá nosa cultura e dás nosas tradicións , acompañáronnos a un percorrido por tres dos mellores representantes dos nosos muíños locais. Puidemos gozar das súas explicacións, TANTO RELACIONADO COS PROPIOS MUÍÑOS COMO DE CULTURA POPULAR, DA QUE LOLO É UN GRAN E AMENO EXPERTO.

SI DESEXAS NÚMEROS DA REVISTA ATRASADOS, PONTE EN CONTACTO CON NÓS​:
[email protected]
ou no tfno: 619950082

Click here to edit.

Revistas

É un proxecto da Asociacion de Estudos Históricos e Sociais Hume para difundir o coñecemento científico e histórico sobre As Pontes e a súa comarca.
Constitúe un foro aberto á publicación de artigos que versen sobre a historia, sociedade, economía, demografía, etnografía, etcétera, que teñan como marco xeográfico a nosa vila e arredores.

Xornadas

Cada ano adicamos varios días a celebración de conferencias que versan sobre o noso patrimonio tanto material como inmaterial.

Premios de investigación

Con ese afán e interese por desvelar a nosa historia e o noso patrimonio, e para animar a historiadores de prestixio, a asociación convoca cada ano os premios de investigación, que logo son publicados na seguinte revista.
Os temas  versan sobre aspectos históricos, artísticos, arquitectónicos, etnográficos e do patrimonio cultural do concello das Pontes de García Rodríguez ou concellos colindantes.