A Asociación de Estudos Históricos e Sociais Hume nace no ano 2003 e xorde a raíz das inquedanzas de varios veciños  para abordar varios fins sociais entre os que se atopan a creación dun fondo documental, o incremento do coñecemento e a difusión da nosa riqueza histórica e converterse en vehículo de promoción da cultura na comarca a través da edición de publicacións que recollan o coñecemento científico e histórico das Pontes de García Rodríguez.
Este último fin vémolo cumprido ca revista de periodicidade anual. Con esta publicación pretendemos chegar á memoria de todos os habitantes das Pontes de García Rodríguez e comarca e daqueles outros, que fóra da dita comarca, se interesan por cuestión históricas de ámbito local.

 As Pontes de García Rodríguez

NOTICIAS:

xornadas 2020

XORNADAS HUME 2018
Antón Losada
“España, adaptarse ou morrer”

XORNADAS HUME 2018
Susana Cendán
 "Muller, moda e sociedade no século XIX"​

SI DESEXAS NÚMEROS DA REVISTA ATRASADOS, PONTE EN CONTACTO CON NÓS​:
asoc.hume@gmail.com
ou no tfno: 619950082

Revistas

É un proxecto da Asociacion de Estudos Históricos e Sociais Hume para difundir o coñecemento científico e histórico sobre As Pontes e a súa comarca.
Constitúe un foro aberto á publicación de artigos que versen sobre a historia, sociedade, economía, demografía, etnografía, etcétera, que teñan como marco xeográfico a nosa vila e arredores.

Xornadas

Cada ano adicamos varios días a celebración de conferencias que versan sobre o noso patrimonio tanto material como inmaterial

PRESERVEMOS UNHA ESCAVADORA!!!

​A mina de lignito das Pontes, que Endesa explotou durante o período 1976-2007, é coñecida dentro e fóra dos ámbitos mineiros, ademais de por outras, por unha característica que a fai singular; as súas dimensións:
Durante o proceso de explotación extraéronse 261.520.274 toneladas de carbón e 697.067.143 metros cúbicos de terras, xerando un oco de 6 km de longo por 2 de ancho e 288m de profundidade; a mina ao descuberto máis grande de España.
Actualmente o devandito oco mineiro é un lago de cinco quilómetros de longo, dous de ancho, 18 de perímetro, 206 metros de profundidade máxima e 547millóns de metros cúbicos de auga.
Para a explotación utilizáronse, en consonancia coas súas dimensións, grandes equipos mecánicos consistentes fundamentalmente en escavadoras e apiladoras. As primeiras teñen unha altura de 40m, unha lonxitude de 119m, un peso de 2.346t, un rodete de 16 canxilós de 1.250l de capacidade cada un e unha capacidade de escavación de 3.405m3/h. Dado que esta maquinaria tan especializada non se pode reutilizar, ao non existir minería como a comentada, actualmente todos os equipos están fóra de servizo en espera do seu achatarámete. Enténdese que isto sexa así, aínda que tamén se entende que nunca se volverá a dar algo parecido en España.
Si se considera a singularidade do xacemento, a innovación tecnolóxica que supuxo a posta en marcha, explotación e clausura da mina, o coñecemento que se adquiriu no proceso e a solución ambiental que se deu á entulleira e ao propio oco mineiro, chégase á conclusión que a mina das Pontes é “pura historia e puro patrimonio”; patrimonio e historia que hai que coidar e ensinar. Neste sentido é oportuno e ata obrigado propoñer que unha escavadora non se destrúa, senón ao contrario, acondiciónese, si é necesario, de modo que quede como recordo físico dun período que xa forma parte intrínseca da memoria das Pontes.
Esta proposta ou petición non debe valorarse desde un punto de vista nostálxico ou sentimental, sencillamente é unha cuestión de pragmatismo. Malia que unha convicción non é unha certidume, todo o sector mineiro está convencido de que nunca volverán darse unhas circunstancias similares en ningún territorio de España que fixesen posible a volta á actividade deste tipo de máquinas.
Sen intentar equiparar, nin sequera comparar este caso con outros relacionados coa arte, o patrimonio, ou o territorio, onde prevalecen argumentos obxectivos para a súa protección e conservación, si que existen razóns de oportunidade para salvagardar unha mínima parte da historia do que se pode considerar como unha das máis importantes iniciativas da industria que ha ter lugar neste país.
É por iso que, dende este foro pídese a adhesión á solicitude de preservar unha escavadora, para que sirva de testemuño vivo dun tempo que marcou o camiño para que As Pontes se convertese nunha referencia na industria europea.